هل استاد القاهره للمؤتمرات والحفلات ... ام لممارسة الالعاب الرياضية وكره القدم !!!!

الاهلي والزمالك هيلعبوا في دوري الابطال الافريقي امام صن دوانز والترجي والمباراة الاولي للفريقين هتكون في مصر.
الاهلي طلب انه يلعب في استاد القاهرة بما انه مصدر قوة لان ارضيتة ممتازة وسعته كبيرة فيقدر يطلب حضور جماهيري كبير وبكدة يقدر يستفيد من المباراة افضل استفادة.
 الامن كالعادة وكما هو متوقع رفض طلب الاهلي وحدد ملعب السلام لاقامة المباراة ب عشرة آلاف متفرج.
طبعا الامن في الصورة دي كان مأمن حفلة غنائية بالامس في استاد القاهرة بحضور جماهيري بمناسبة عيد الحب وكان فيها مطربين بسم الله ما شاء الله زي الفل زي حسن بيه طويل العمر شاكوش . طبعا متوقع ان الزمااك يقدم طلب ويترفض او ميقدمش طلب اصلا لانه عارف اللي فيها.
اعتقد ان استاد القاهرة خلاص اتحول لمكان لعقد المؤتمرات والحفلات كأنه قاعة حفلات مفتوحة وبالتالي الاهلي والزمالك محتاجين علشان الامن يوافق علي اقامة المباراة في استاد القاهرة انهم يبلغوا الامن ان مباراة صن داونز والترجي دوول في الاصل  حفلات اعياد ميلاد للاعبين وأولادهم  والمباراة دي جزء من الحفل كفقرة ترفيهبة مش اكتر او الحل التاني ان استاذ حسن بيه شاكوش يقدم طلب للاهلي والزمالك علشان بلعبوا الماتشين في استاد القاهرة  وفي الغالب حيوافقوا عليه طبعا

اما بقي بعيدا عن الهزار اتمني ان الاهلي والزمالك يحاولوا يشوفوا بلد تانية يلعبوا فيها ماتشاتهم الافريقية حيكون افضل بكتير ليهم سواء تنظيميا او جماهيريا لان في الغالب مباريات كرة القدم للاندية لم تعد مهمة للامن والدولة في مصر كما كانت في السابق لانها بتجيب مشاكل وحتي ماديا مش بتكسب فلوس زي الحفلات اللي بتتعمل في استاد القاهرو فاعتقد ان الفرق المصرية لازم تفهم ده من دلوقتي وتبدأ تدور علي بدائل في المواسم القادمة خارج مصر بدل المرمطة للاندية والجمهور اللي بنشوفها كل سنة في بطولات الاندية علي مستوي افريقيا سواء دوري الابطال او الكونفدرالية.
 واعتقد اننا شوفنا امبارح ماتش السوبر ااافريقي قد ايه الحضور الجماهيري الكبير لجمهور الزمالك كان عامل مؤثر في آداء الزمالك وفوزه بالبطولة.