حاجات حاول متتناقش فيها فى رمضان !!

 

 

فى رمضان دة قررت ما اشتركش فى الحوارات دى علشان زهقت ....

1- رامز جلال بجد ولا تمثيل
2- رامز جلال جامد
3- رامز جلال حرام عليه
4- صايم ولا زى كل سنة
5- ليه ما يتبرعوش بفلوس انتاج المسلسلات للمحتاجين بدل ما يعلنوا عن التبرع جوة المسلسلات
6- يلعن ابو النوتيلا والمانجو والريد فيلفيت فى كل حاجة
7- يا حلاوة المانجو والنوتيلا والريد فيلفيت فى كل حاجة
8- صايم ولا زى كل سنة
9- مصر بتغرق
10- مصر بتفرح
11- طب انت عاجبك السيسى ليه
12- طب انت مش عاجبك السيىسى ليه
13- أجور الفنانين الحقيقية
14- أجور الفنانين الغير حقيقية
15- أجور الفنانين بشكل عام
16- رمضان عدى بسرعة
17- رمضان عدى ببطء
18- صايم ولا زى كل سنة
19- الفتاوى الدينية والسياسية
20- رمضان حر جدا اومال هنعل ايه فى جهنم
21- مضان برد جدا اومال هنعمل ايه فى جهنم
22- رمضان جوه كويس جدا اومال هنعمل ايه فى جهنم
23- وكأن رمضان جه فجأة
24- وكأن رمضان ماجاش
25- حولنا رمضان لشهر أكل وتليفيزيون
26- الاعلانات كتيرة قوى جوة المسلسلات
27- الواحد مش قادر يتابع كل المسلسلات دى
28- الزحمة
29- كسل الموظفين
30- صايم ولا زى كل سنة
31- الشباب بيسكور حشيش وخمرة ليلة العيد وبيتحرش بعد الصلاة
32- ازاى الحكومة بتقبض على الفاطرين
33- ازاى الحكومة بتسيب الفاطرين
34- عندى صداع من قلة السجاير والقهوة
35- ماعنديش صداع من قلة السجاير والقهوة
36- بفكر ابطل سجاير فى رمضان
37- صورة كوباية المياة المشبرة قبل الفطار
38- صور الأكل والخروجات والعزومات
حد يحب يزود حاجة؟