الأمتحانات قربت ! ومش عارف تذاكر ازاى ........ أقرا المقال ده

الأمتحانات قربت ! و لازال نص يومك بيضيع و انت ماسك الموبايل .. و اللي المفروض تخلصة النهاردة هيتأجل لبكره الصبح بدري كالعادة .. !!

مظنش ان تسلسل الاحداث اللى فات ده جديد عليك .. و اول مرة يحصل معاك الترم دة !  و مظنش الحل هيكون اننا نكلمك عن طريقة تخليك تعمل block لمواقع و apps" زي ال Facebook او ال Whats app .. " لمدة محددة عشان تركز و تخلص المذاكرة اللى وراك .. لأن المسألة دي حلها حاجة واحدة " العزيمة " و انك تقدر تفرق بين عادي و مهم و الأهم
لكن دي شوية Apps هتحول الموبايل ل مساعد شخصي ليك اثناء المذاكرة :
http://goo.gl/9m31is

1- خلينا نبدأ بمشكلة الصحيان من بدري .. فى App اسمه Sleep If U Can
عبارة عن منبة .. لكن مش من اللى بيتعملة Off او snooze  ده هيحتاج انك تقوم وتصورلة مكان محدد فى الشقة " نصيحة : اختار ابعد مكان و اعملة Save .. و بعد كده مش هيفصل الا لما تقوم تصور نفس الحاجة .. | الحل التاني انه يديك مسألة رياضة تصحصح مخك .. و مش هيسكت الا لما تحلهه صح

2- Maths Alarm Clock .. نفس فكرة ال App الاولاني .. بس دة مبيسكتش الا بمسائل رياضة اصعب شويتين و بتصحصح اكتر

3- صحيت من النوم و صحصحت .. هتبدأ تجهز العدة اوبااا حضرتك نسيت الآله الحاسبة امبارح .. مش مشكلة ال App دة " RealCalc Scientific Calculator " هيديك آله حاسبة زي ال fx500 اللي معاك

4- و لان تظبيط المذاكرة اهم من المذاكرة .. فعشان متتحججش ان جدولك مذاكرتك ضاع .. خلية معاك على ال app دة " goconqr" .. كمان ع ال app دة ممكن تاخد notes عشان تراجع منها و انت فى المواصلات .. وتعمل Mind maps عشان تراجع منها قبل الامتحان .. الاجمل انك ممكن ت create علية انت و اصحابك study groups تتشاركوا فيها الحاجات دي بشكل منظم و ميقلبش ب chat زي جروب الفيس بوك

5- يدوب نبدأ مذاكرة .. و لأن الطبيعي لو مذاكرتك بال English .. تلاقي كلمات و جمل عجيبة .. لكن متقلقش الحل هيكون The Oxford Dictionary او Babylon " الapp دة بيدعم 74 لغة تانية غير ال English "

6- عشان تكمل محتاج تاخد Break و تفصل .. و لان العقل السليم فى الجسم السليم ف Sworkit هيديك شوية تمارين بسيطة لكن مفيدة جداً سواء لليقاتك و لحركة الدم فى جسمك بحيث تفضل مصحصح و مركز " كل التمارين دي مدتها اقل من 5 دقائق

7- طيب ال break مجبش نتيجة و عزيمتك فى النازل .. فى حاجة مأثرة عليك .. ممكن تتفرج على فيديو من TED كفيل انه يشحن حماسك من جديد

كل ال Apps دي تقدر توصلها سواء كنت Android او ios : http://goo.gl/9m31is